It-10K huwa kors fuq l-10 Kmandamenti imma mhux ħa noqogħdu naħlulek il-ħin ngħidulek ma toqtolx, ma tisraqx u ma tidgħix.
Dawn huma l-10 Kmandamenti kif qatt ma smajthom qabel.
F’din il-mixja, l-10 kelmiet li Alla ta lill-poplu Lhudi jsiru s-sigriet biex il-bniedem modern jagħmel suċċess fil-ħajja u jkun ferħan.
Dal-kors inħoloq l-Italja u nfirex f’aktar minn 15-il pajjiż. Beda f’Għawdex fl-2019 u f’Malta fl-2024.
Vera nsejħulu kors, imma m’hemmx ħlas, assignments jew eżamijiet. Sempliċiment tiġi u tisma’ t-taħdidiet. U jekk tixba’ tista’ ma tiġix aktar u ħadd ma jgħidlek xejn.
Fil-fatt ħafna jiġu u jitilqu għax il-kors ma jgħoddx għal kulħadd. Oħrajn imissilhom qalbhom, jifqagħlhom moħħhom u jbiddlilhom ħajjithom.
Jekk trid tibdieh u tara kif tmur, kemm timla d-dettalji hawn taħt minħabba loġistika.
10 suġġetti ta’ diskussjoni
10 suġġetti ta’ diskussjoni
Għandek biex tiekol?
L-atei ma jeżistux
Alla mhux taċ-ċajt
Meta għandek tiġi taqa’ u tqum
Alla mhux ġust, u mn’Alla
Għal dejjem
X’qed tagħmel bħalissa?
Il-verità
Int maħluq għal affarijiet kbar
Oħlom u għix
Trid tingħaqad magħna?
Dun Mark Bonello huwa saċerdot djoċesan Għawdxi ta’ 36 sena; huwa delegat tal-Isqof għaż-Żgħażagħ u jservi bħala vigarju parrokkjali fil-Parroċċa ta’ San Pietru u San Pawl fin-Nadur.
Dun Noel Debono huwa saċerdot djoċesan Għawdxi ta’ 38 sena li studja t-Teoloġija Biblika; huwa delegat tal-Isqof għall-Vokazzjonijiet u jservi bħala vigarju parrokkjali fil-Parroċċa ta’ San Pawl Nawfragu fil-Munxar.
Dun Daniel Sultana huwa saċerdot djoċesan Għawdxi ta’ 35 sena; jservi bħala Segretarju Pastorali tad-Djoċesi ta’ Għawdex u vigarju parrokkjali fil-Parroċċa ta’ Marija Assunta, fil-Katidral ta’ Għawdex.
Dun Joseph Bajada huwa saċerdot djoċesan Għawdxi ta’ 53 sena; wara li, fost l-oħrajn, kien kappillan, illum huwa r-Rettur tas-Seminarju Maġġuri ta’ Għawdex.
Dun Krystof Buttigieg huwa saċerdot djoċesan Għawdxi ta’ 37 sena; jservi bħala delegat tal-Isqof għall-Katekeżi u kollaboratur fil-Parroċċa ta’ Santa Marija Assunta, iż-Żebbuġ, Għawdex.
Mistoqsijiet komuni
Meta ser jibda l-kors tal-10K f’Malta? U fejn ser ikun?
Il-kors tal-10K f’Malta ser jibda nhar it-Tlieta, 21 ta’ Jannar 2025 fis-7.15pm, fil-Knisja Parrokkjali tas-Swatar, u jkompli kull nhar ta’ Tlieta.
Meta ser jibda l-kors tal-10K f’Għawdex? U fejn ser ikun?
Il-kors tal-10K f’Għawdex ser jibda nhar it-Tnejn, 20 ta’ Jannar 2025 fis-7.15pm, fil-Knisja Parrokkjali tax-Xagħra, u jkompli kull nhar ta’ Tnejn.
Fiex jikkonsisti eżatt dan il-kors?
Il-kors jikkonsisti f’taħdita darba fil-ġimgħa ta’ madwar 45 minuta. Kif ngħidu fid-deskrizzjoni t’hawn fuq, int sempliċiment tiġi u tisma’.
Hemm iktar minn taħdita waħda fuq kull kmandament, u kull waħda tkompli tibni fuq dik ta’ qabilha. Dan ifisser li l-kors idum madwar sena, b’waqfa twila fis-Sajf.
Matul il-kors, isiru wkoll tliet weekends flimkien. Dawn il-weekends huma fost l-aktar mumenti importanti matul il-kors kollu.
Imma bħalma ngħidu dejjem, m’għandek ebda rabta. Ejja fil-bidu, u ara jgħoddx għalik.
Hemm iktar minn taħdita waħda fuq kull kmandament, u kull waħda tkompli tibni fuq dik ta’ qabilha. Dan ifisser li l-kors idum madwar sena, b’waqfa twila fis-Sajf.
Matul il-kors, isiru wkoll tliet weekends flimkien. Dawn il-weekends huma fost l-aktar mumenti importanti matul il-kors kollu.
Imma bħalma ngħidu dejjem, m’għandek ebda rabta. Ejja fil-bidu, u ara jgħoddx għalik.
Ser ikun hemm traduzzjoni mill-Malti għal lingwi oħra?
Sfortunatament, bħalissa ma nistgħux noffru s-servizz tat-traduzzjoni mill-Malti.
Ser ikun hemm servizz ta’ childminding waqt li jkun għaddej il-kors?
Sfortunatament dan is-servizz mhux ser inkunu nistgħu noffruh.
Is-sessjonijiet tal-kors ser ikunu online?
Le, sabiex is-sessjonijiet jilħqu l-għan tagħhom huwa meħtieġ li jitwasslu wiċċ imb wiċċ.
Għaldaqstant il-parteċipazzjoni online mhux ser tkun possibbli.
X’inhi l-età meħtieġa sabiex il-parteċipanti jkunu jistgħu jieħdu sehem fil-kors f’Malta jew f’Għawdex?
F’Malta, il-kors qed jiġi offrut liż-żgħażagħ u l-koppji żgħar.
Min-naħa l-oħra l-kors f’Għawdex ser ikun indirizzat għall-adulti minn 18-il sena ’l fuq.
il-kmandamenti kif qatt⚬
il-kmandamenti kif qatt⚬
il-kmandamenti kif qatt⚬
il-kmandamenti kif qatt⚬
il-kmandamenti kif qatt⚬
ma smajthom qabel⚬
ma smajthom qabel⚬
ma smajthom qabel⚬
ma smajthom qabel⚬
ma smajthom qabel⚬
